Actualizado el jueves, 25 mayo, 2023
Entre o 23 e o 26 de novembro unímonos de novo a #CompostelaEnNegro, unha iniciativa de sensibilización social contra as violencias machistas que arrincou en Compostela no ano 2015.
Desta volta, somos xa máis de 3000 os establecementos e axentes sociais galegos que participamos na campaña. Temos claro que só traballando en rede conseguiremos poñer sobre as axendas públicas a violencia machista como un problema de toda a cidadanía. Que dis, úneste?
- Pasa por algúns dos puntos de reparto (CSC O Ensanche, CSC Fontiñas, Casa do Matadoiro ou Casa das Mulleres Xohana Torres) antes do 23 de novembro, recolle a túa bandeira negra e cólgaa na fiestra da túa casa en sinal de loito.
- Viste de negro o teu espazo de traballo, escaparate, café-bar, blog, rede social… Nesta ligazón podes descargar o material.
Todas e todos en negro, contra a violencia e a prol da igualdade das mulleres! #25N #CompostelaEnNegro #GaliciaEnNegro #ContraAsViolencias
Deja una respuesta