Dinahosting co emprego de calidade

Actualizado el martes, 26 septiembre, 2023

Onte estivemos no Foro de Empresas organizado pola Escola de Enxeñería Informática da USC. Xunto cunha vintena de empresas tecnolóxicas do sector, tivemos a oportunidade de conversar e coñecer as inquedanzas dos futuros enxeñeiros informáticos do país.

Facémosche un resumo por se non puideches vir 🙂

• É importante que vaias pensando no sector que máis che motive: programación ou administración de sistemas á hora de focalizar a túa busca de emprego. En dinahosting dámosche a oportunidade de desenvolverte profesionalmente en ámbolos dous.
• Aínda que esteas na Universidade, é moi interesante que realices ao mesmo tempo algunha certificación profesional no ámbito que máis che guste. Axúdache a especializarte, é o mellor de todo, a diferenciarte do resto.
• Hai que practicar, practicar e practicar. Malia que teñas un título universitario, da carreira sairás cunha idea moi xeral, polo que é bo que aproveites o verán para poñer en práctica todo o que sabes nalgunha empresa.

Procuramos talento

Buscamos persoas con capacidade de liderado, curiosas e proactivas que queiran desenvolverse profesionalmente na dinahosting. Ofertamos dúas bolsas de prácticas remuneradas para administración de sistemas e programación. Aquí tes máis información.

Se o prefires, tamén nos podes enviar o teu currículo a rrhh@dinahosting.com. Estámoste esperando 😉